Geline Salac

Cafe sa Marikina nilooban; P14K cash tinangay, mga barya iniwan

Article (news)

Christopher Sitson

ABS-CBN News

Ninakawan ng isang lalaking nakatakip ang mukha ang isang cafe sa Barangay Concepcion Uno, Marikina City, madaling araw ng Linggo, January 11.Sa CCTV pasado 1:30am makikita ang lalaki sa loob ng gusali na ipinantatakip sa mukha ang suot na T-shirt.Dumiretso ang kawatan sa CCTV at ibinaling ang kuha para hindi siya mahagip.Matapos nito ay pumunta na siya sa kaha ng cafe at hinanap ang susi.Nang bubuksan na ang kaha, ibinaling niya muna ang isa pang CCTV para hindi makita ang kanyang galaw.&quot;Mata na lang kita, para siyang ninja. Pag pasok niya rito sa counter namin parang alam niya na naroon lang ‘yung susi nung cashier drawer namin hinanap niya sa ilalim,&quot; sabi ni Paul Carlsen Torzar na may-ari ng cafe.Tumagal ng limang minuto ang kawatan sa loob bago tuluyang tumakas.Umaga na nang mapag-alaman ng biktima na nalooban ang cafe.“Pagpasok ko nakita ko agad ‘yung kaha namin naka-open. Mga coins na lang natira. ‘Yung mga CCTV namin naka-angat na,” sabi ng may-ari.Natangay ng kawatan ang P14,000 na cash at business phone na P6,000 ang halaga.Sa main door ng tindahan pumasok ang suspek ayon sa imbestigasyon ng mga pulis.“Parang maya’t-maya pinupukpok. Kaya napag-anuhan namin ng mga pulis na sinikwat tapos hindi na namin alam san iniwan ‘yung padlock,” ayon kay Torzar.Laking panghinayang ng biktima sa nanakaw na pera.“Yung fund na ‘yung malaking paikot na rin ‘yun. Marami na sanang mapupuntahan ‘yun,” pahayag ng may-ari.“Magbago ka na, mas magandang kumayod nang patas para walang masamang karmang matatanggap,” mensahe ng biktima sa suspek.Pinaghahanap pa ng mga pulis ang suspek habang pinaigting na rin ng barangay ang seguridad sa lugar.“Pagkadaan nung patrol namin doon sila titira. Hindi taga rito ‘yung gumagawa ng kalokohan eh. Taga-labas, mga taga-ibang lugar, mga dayo kasi maraming establishment, business. Cloose coordinate namin sa PNP dito sa aming barangay,” sabi ni Rolando Pallorina, Desk Officer ng Barangay Concepcion Uno.Plano na ng biktima na maglagay ng dagdag na lock sa pintuan at alarm para makaiwas sa masasamang loob.Hindi na rin nila pinapatay ang ilaw sa harap at likod ng cafe kahit pa sarado na ang gusali.

Ninakawan ng isang lalaking nakatakip ang mukha ang isang cafe sa Barangay Concepcion Uno, Marikina City, madaling araw ng Linggo, January 11.

Ninakawan ng isang lalaking nakatakip ang mukha ang isang cafe sa Barangay Concepcion Uno, Marikina City, madaling araw ng Linggo, January 11.