Nelson Morales

DAR: Korapsyon sa South Korea, dahilan ng pagkansela ng loan para sa PBBM Bridges

Article (news)

Anthony James Bayog

ABS-CBN News

MAYNILA -- Iginiit ni Department of Agrarian Reform (DAR) Secretary Conrado Estrella III nitong Miyerkoles (Setyembre 10) na ang desisyon ng South Korea na ikansela ang infrastructure loan para sa “PBBM Bridges” project ng kanyang ahensya ay bunsod ng korapsyon sa kanilang bansa, at hindi dahil sa anumang anomalya sa Pilipinas.&quot;Yung sinasabi nilang we cancelled it because of corruption. Hindi siguro sa bakuran natin, baka sa bakuran nila. Kasi, this is a tied-up loan, wala tayong procurement dito kasi modular nga, sila lahat ang magbibigay niyan. Tayo lang ang magkakabit ng mga &#x27;yan. In fact, &#x27;yung contractor nila ang gagawa niyan,&quot; paglilinaw ni Estrella. Ang “PBBM Bridges” o ang Rural Modular Bridge project ay proyekto ng DAR na layong magpatayo ng mga tulay sa iba’t ibang agrarian reform communities upang mapadali ang transportasyon ng mga magsasaka at mapalakas ang pagdaloy ng kanilang mga produkto sa merkado.Sa panayam ng DZMM, ipinaliwanag ni Estrella na South Korea ang nag-alok ng nasabing loan at hanggang ngayon ay wala pang pinal na kasunduan o loan agreement na napipirmahan sa pagitan ng dalawang bansa.Giit ni Estrella, walang kinalaman ang sitwasyon ng bansa sa nasabing pagkansela. Aniya, problema sa bangko at isyu ng korapsyon sa South Korea ang dahilan kung bakit hindi natuloy ang naturang loan.&quot;May nangyayaring gulo kasi doon sa kanila e, sa pulitika, nadadamay tayo kaya kung may kurapsyon, sa bakuran nila, hindi sa atin,&quot; dagdag niya.Kaninang umaga, kumalat ang balitang nagkansela umano ang South Korea ng infrastructure loan na nagkakahalaga ng P28 bilyon.<div><a class="fr-green fr-strong" href="https://www.abs-cbn.com/news/business/2025/9/10/south-korea-halts-funding-for-allegedly-fraudulent-bidge-project-in-ph-1312">Finance dept says no South Korean loan meant for Philippine bridges</a></div>Nauna nang pinabulaanan ng Department of Finance (DOF) ang pagkakansela ng naturang loan at iginiit na “walang ganoong klaseng loan” ang umiiral sa pagitan ng dalawang bansa.Ayon kay Estrella, nakikipag-negosasyon pa ang bansa sa France, hindi sa South Korea, para sa pagpopondo ng nasabing proyekto.

Iginiit ni Agrarian Reform Secretary Conrado Estrella III nitong Miyerkoles na ang desisyon ng South Korea na ikansela ang infrastructure loan para sa “PBBM Bridges” project ng kanyang ahensya ay bunsod ng korapsyon sa kanilang bansa, at hindi dahil sa anumang anomalya sa Pilipinas.

Iginiit ni Agrarian Reform Secretary Conrado Estrella III nitong Miyerkoles na ang desisyon ng South Korea na ikansela ang infrastructure loan para sa “PBBM Bridges” project ng kanyang ahensya ay bunsod ng korapsyon sa kanilang bansa, at hindi dahil sa anumang anomalya sa Pilipinas.