Makulay ang pagsasama ng LGBT couple at content creators na sina David Mercado at Ryan Tan.

Sabi ni David, hindi pa talaga sila ready for love nang mag-krus ang landas nila ni Rye.

Kwento ni Rye, "Sa online kami nagkakilala ni Hubby David sa dating app. Tapos nagkataon that time, same condo kami na pinagstayan. So magkaiba kami ng floor I remember inviting him sa unit ko. Yun yung first na nag-meet kami."

Umpisa pa lang, kampante na ang dalawa sa isa’t-isa. Sabi nga nila, iba ang tama ni Kupido dahil after five months of dating, naging official couple na sila.

At makalipas ang ilan pang buwan, bigla nilang pinag-usapan ang kasalan.

"Siyempre my family—hindi naman sila against, nagulat lang. Pero ang in-assure naman namin sila na hindi agad kami magpapakasal kasi nga nag-ipon pa kami ni Hubby David," pagbabahagi ni Rye.      

2018 ginanap ang kanilang most magical moment sa Tagaytay kasama ang kanilang mga pamilya at kaibigan.      

Para kay David, "even if people will say they don't agree or they don't approve, it's okay. That's their right. Pero sa amin, in our experience, we really felt loved. We really felt loved that time."      

Ngayon, isang dekada na ang kanilang love story at mas tumibay pa raw ang kanilang pagsasama.

Pero sa kabila ng kanilang success story—online and offline, mas pinahahalagahan nina Rye at David ang positibong epekto ng kanilang mga content sa manonood.

At patuloy silang maghahatid ng inspirasyon, good vibes, at mensahe na ang pag-ibig ay walang pinipiling kasarian.

Ulat ni Kaxandra Salonga para sa programang Tao Po. (March 9, 2025)

Mapapanood ang mga episode ng Tao Po dito.