MAYNILA — Arestado ang isang 22-anyos na lalaki matapos umanong mahuli sa aktong tangkang halayin ang menor de edad na kapatid ng kanyang kinakasama sa Tondo, Maynila.

Ayon sa paunang ulat mula sa Delpan Police Station, natutulog ang 15-anyos na biktima nang lapitan ng suspek at hawakan ang maselang bahagi ng kanyang katawan.

Lalaki arestado sa umano'y rape matapos 'i-live in' ang menor de edad na babae

Agad namang pumasok ang lalaking kapatid ng biktima at nakita ang ginagawa ng suspek kaya nagkaroon ng komosyon.

Sa tulong ng mga taga-barangay ay naaresto ang suspek at dinala sa police station.

Nang tanungin naman ang suspek hinggil sa paratang laban sa kanya, "No comment po ako," sabi niya.

Suspect in rape-slay of 8-year-old girl in Quezon found dead

Nakakulong na sa Delpan Police Station ang lalaki na nahaharap sa reklamong paglabag sa R.A. 8353 o Anti- Rape Law of 1997.