MAYNILA—Kasama na sa panata ng mga Katoliko ang Visita Iglesia o ang pagbisita sa pitong simbahan na sinasabayan din ng pagdarasal at pagninilay sa ’14 na Daan ng Krus’  tuwing Semana Santa.

Ayon sa church historian na si Bro. Aaron Veloso, nag-ugat ang tradisyon ng Visita Iglesia noong 1500s nang magdeklara ang Santo Papa ng pitong basilika na pwedeng bisitahin ng mga peregrino para sa indulhensiya.

Ang mga simbahang ito ang Saint Peter's Basilica, Saint Paul's Basilica, Saint Mary Major, Saint John Lateran, Saint Sebastian, Saint Lawrence, at Basilica of the Holy Cross.

Iconic churches featured in Kapamilya teleseryes to add to your Holy Week Visita Iglesia

Taong 1633 nang pasimulan ni St. Philip Neri ang tradisyon. 

Minana naman ito ng mga Pilipino mula sa mga Kastila na sumakop sa bansa nang mahigit 300 taon. Nagkataong may pitong simbahan din sa Intramuros sa Maynila noon.

2025 Jubilee: Priest tells Catholics to go to Jubilee churches and listen to stories of hope, faith

Para sa mga Katoliko, bukod sa paghingi ng kapatawaran sa mga kasalanan, paraan ang Visita Iglesia sa ‘pagsama’ at pakikiisa sa sakripisyo ni Hesus sa panahon ng Kuwaresma. 

—Ulat ni Jervis Manahan, Patrol ng Pilipino

Video produced with Rafael Antonio Lapore

Bisikleta Iglesia in Rizal for 'hardcore' cyclists