MAYNILA — Ang Eid’l Fitr ay makulay na selebrasyon sa relihiyon ng Islam na nagmamarka ng pagtatapos ng Ramadan, kung saan ang mga kapatid nating Muslim ay nag-aayuno sa loob ng 30 araw.

Tradisyunal na ginugunita ang kapistahan matapos mapagmasdan ang hugis ng buwan, na hudyat ng pagsisimula ng Eid’l Fitr.

Itinatakda at inaanunsyo ang araw ng kapistahan kapag nakita na ng mga lider ng Islamic community ang crescent moon.

Bagama’t ang Eid’l Fitr ay ipinagdiriwang ng lahat ng mga Muslim, mahalagang malaman na hindi pare-pareho ang simula ng selebrasyon sa bawat bansa dahil ito ay nag-iiba depende sa pagmamasid ng buwan.

Tumatagal ang Eid ng tatlong araw, at puno ng kasiyahan, pamimigay ng regalo o pagkain, at pagpapasalamat.

– Ulat ni Francis Orcio, Patrol ng Pilipino

Produced with Roberto Miguel Yabut

Muslims gather at Manila Golden Mosque for Eid’l Fitr 

Marcos Jr. tells Muslims: Do not forget responsibility to one another