Nagtamo ng galos sa kamay ang isang 48-anyos na lalaki matapos tumagilid ang minamaneho niyang SUV sa bahagi ng northbound lane ng North Luzon Expressway (NLEX) mag-a-alas kwatro ng madaling araw nitong Biyernes.

Ayon sa driver, pauwi na sana siya sa Meycauayan, Bulacan nang biglang huminto ang isa pang SUV sa unahan niya.

“Yung sinusundan kong SUV kanina, biglang preno siya. Di ko alam kung tutungo siya sa kanan… kaya pag-iwas ko, wala, too late na,” sabi ng driver.

Para makaiwas, napakabig siya at biglang preno kaya tumagilid ang minamaneho niyang sasakyan na nagtamo ng matinding pinsala

Dagdag ng driver, tinulungan siyang makalabas ng ilang rider matapos maipit sa loob ng sasakyan. Agad siyang nilapatan ng paunang lunas ng ambulansya.

“Konting galos lang, pero okay naman (ako)… ang problema lang, wala na rin yung SUV na sinundan ko eh,” aniya.

Patuloy na ini-imbestigahan ng mga otoridad ang insidente.