MAYNILA — Kahit matanda na siya noon, buong-pusong tinulungan ni Melchora Aquino o Tandang Sora ang mga Katipunero sa panahon ng himagsikan.

Binigyan niya ng pagkain, gamot, at kanlungan ang mga sugatang sundalo -- dahilan para kilalanin siyang  "Ina ng Himagsikan".

Pero dahil din dito, hinuli siya ng mga Espanyol at ipinatapon sa Guam, at makalipas lang ng ilang taon nakabalik sa Pilipinas.

Bilang pagpupugay sa kanyang kabayanihan, ipinangalan sa kanya ang Tandang Sora Avenue, isa sa major roads sa Quezon City, pati ang tinirhan niya na Baryo Banlat na ngayon ay Barangay Tandang Sora.

Hanggang ngayon, patuloy na kinikilala si Tandang Sora bilang isang inspirasyon na kahit sino—bata man o matanda—ay may kakayahang mag-ambag sa laban para sa kalayaan at katarungan. 

– Ulat ni Harlene Delgado, Patrol ng Pilipino

Video produced by Gercy Babilonia

She Shares | Women's Month - Stories & Inspiration

Group marks International Women's Day

Karen Davila in speech: Gender equality in the boardroom should be the norm, not the exception