MAYNILA — Nasunog ang isang unit ng isang gusali sa Muelle De Binondo sa lungsod na ito bandang alas-5:28 nitong Lunes ng hapon.

Ayon sa Bureau of Fire Protection-Manila (BFP), isang ginagawang unit sa 36th floor ng gusali ang nasunog.

Agad rumesponde ang limang fire trucks ng BFP at naapula ang sunog makalipas ang 30 minuto.

Walang naitalang nasugatan o nasawi sa sunog, at ligtas na muli pumasok sa gusali ang mga empleyado dito.

Electrical wiring mula sa under construction na unit ang isa sa iimbestigahan ng BFP na posibleng pinagmulan ng apoy.