Hindi totoo ang diumano’y mga pahayag ni US President Donald Trump tungkol sa pag-aresto ng Interpol kay dating Pangulong Rodrigo Duterte sa bisa ng arrest warrant ng International Criminal Court sa kasong crimes against humanity.

Iniimbestigahan ng ICC si Duterte kaugnay ng madugo niyang drug war mula November 1, 2011 hanggang Marso 16, 2019, mga panahong bahagi pa ang Pilipinas sa Rome Statute. Nagsilbing vice mayor ng Davao City si Duterte mula 2010 hanggang 2013 at bumalik sa pagka-mayor noong 2013, pagkatapos ay naging pangulo mula 2016 hanggang 2022.

War on Drugs: The Unheard Voices

Drug-related deaths reach 1,000: ABS-CBN research data

Dalawang pekeng quote cards ng mga pahayag diumano ni Trump ang ipinagmumukhang inilabas ng pahayagang The Washington Post sa United States at BBC News sa United Kingdom. 

Sa quote card diumano ng The Washington Post, pananagutin ni Trump ang administrasyon ni Pangulong Ferdinand “Bongbong” Marcos Jr. sa ginawang pagpayag nito sa pag-aresto kay Duterte. Dagdag pa sa quote card, diumano’y kinontak ni Trump si Pangulong Xi Jinping ng Tsina para pag-usapan ang sitwasyon ng kanilang “good friend” na si Duterte.

Ayon naman sa pekeng quote card ng BBC News, pinagbabantaan ni Trump na papatawan niya ng “50% tariffs” ang Pilipinas kapag hindi naibalik sa bansa si Duterte.

Sa panahong naisulat ang artikulong ito, wala pang inilalabas na pahayag si Trump at ang kanyang administrasyon tungkol sa pag-aresto kay Duterte. Walang makikitang anumang opisyal na press release o statement sa opisyal na website o mga social media platform ng gobyerno ng US o ni Trump. 

Mapapansin namang wala sa mga website at mga opisyal na social media platform ng The Washington Post at BBC News ang ipinakakalat na quote cards. Iba rin ang disenyo ng mga ito sa aktuwal na layout ng quote cards ng mga nasabing pahayagan. 

Umaga ng Marso 11, 2025 nang arestuhin si Duterte sa Ninoy Aquino International Airport (NAIA) Terminal 3 matapos hainan ng Interpol ng warrant of arrest mula sa ICC. Lumapag sa Rotterdam The Hague Airport sa Netherlands ang eroplanong lulan si Duterte Marso 12 ng gabi sa Pilipinas (4:54 ng hapon sa Netherlands). 

Ex-president Duterte arrives at ICC detention center

Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email factcheck@abs-cbn.com o X account @abscbnfactcheck.