MAYNILA—Nagtungo sa Welcome Rotonda, Quezon City ang iba-ibang grupo at sektor na nagpahayag ng kanilang suporta sa pagkaaresto kay dating Pangulong Rodrigo Duterte noong Miyerkules. 

Kabilang sa nagprotesta ang mga kaanak ng mga umano’y biktima ng extrajudicial killings at war on drugs noong administrasyong Duterte, na hanggang ngayon ay humihingi pa rin ng hustisya. 

Sumabay din sa mga kilos protesta ang pagtitipon ng mga tagasuporta ni Duterte sa labas ng Villamor Airbase kung saan siya dinala matapos arestuhin.

Naroon sila kahit matapos makumpirmang lumipad na ang eroplanong maghahatid kay Duterte sa The Hague, Netherlands.

Nagsagawa rin ng kani-kanilang rally ang Duterte supporters sa ilang lungsod sa Visayas at Mindanao.

Matatandaang umabot sa 6,241 ang opisyal na natalang namatay sa anti-illegal drug operations noong Duterte administration,, ayon sa datos mula sa Philippine Drug Enforcement Agency (PDEA).

– Ulat nina Jessie Cruzat & Francis Orcio, Patrol ng Pilipino

Video produced with Roberto Miguel B. Yabut; additional editing by Francis Orcio

Families of EJK victims welcome Duterte's arrest

War on drugs: Over 6,200 killed during operations, says PDEA

Drug war victims' relatives renew call for justice after ex-Pres. Duterte's arrest

Palace defends Duterte arrest, to help serve more ICC arrest warrants

WATCH: Opponents, supporters of Duterte demonstrate outside ICC

Mga taga-suporta ni Duterte nag-rally sa ilang lugar sa Mindanao