MAYNILA — Inihayag ng Philippine National Police na na-rescue na ng tauhan ng kanilang Anti-Kidnapping Group, National Capital Region Police Office at ng Armed Forces of the Philippines ang isang 14-taong gulang na estudyante na dinukot noong February 20 paglabas sa kanyang eskwelahan sa Taguig City.

Inabandona siya sa Macapagal Avenue sa Parañaque City, Martes ng gabi. 

Ayon sa spokesperson ng PNP na si Police Col. Randulf Tuanio, na-pressure na lang ang mga kidnapper na ilabas na ang biktima, lalo't pinaalam sa mga suspek sa tulong ng intel na nakatutok na ang mga pulis sa kanila.

Ayon sa AKG, koneksyon sa POGO ang tinitingnan nilang motibo ng pagdukot.

PNP records 40 kidnapping cases mostly linked to underground gambling, cyber fraud

“Initially, ang isa sa miyembro ng pamilya ay dating involved sa business ng POGO kung saan ang pinag-usuapan po nila ay yung pagbabayad ng di mabayarang utang,” sabi pa ni Tuaño.

Sa ngayon, nagpapagaling daw sa ospital ang biktima.

"Base sa tinutumbok ng director ng AKG ito ay between Chinese at Chinese. Sa ngayon po, ongoing ang investigation." 

Sa isang briefing sa Malacañang, sinabi ni Interior Secretary Jonvic Remulla na naniniwala ang mga otoridad na kunektado nga sa POGO ang kaso at na humingi ng ransom na $20 million ang mga kidnapper para palayain ang estudyante.

Bangkay ng kidnap victim natagpuan makalipas ang halos 3 taon matapos ituro ng suspek

"We are definitely sure na ang sindikato na nasa likod ng kidnapping ay former operators ng POGO din," sabi niya.

Dagdag niya, nakakuha na ang AKG ng impormasyon tungkol sa mga kidnapper mula sa ibanandonang sasakyan na iniwan sa Bulacan. Doon din nakita ang bangkay ng driver ng biktima.