FACT CHECK: Walang basehan ang umano’y imbitasyon sa mga Duterte sa inagurasyon ni Trump

Eliseo Ruel Rioja

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/173640489977820250108_Trump invite (1).png" style="width:960px" class="fr-fic fr-dib"/></div><p>Walang kumpirmasyon mula sa official sources ang kumakalat na diumano’y pag-iimbita ni United States (US) President-elect Donald Trump kay Bise Presidente Sara Duterte at sa ama nitong si dating Presidente Rodrigo Duterte sa kanyang inagurasyon sa Enero 20, 2025.</p><p>Sa mga post sa online platform na X (dating Twitter), TikTok, at YouTube, ginamit ang sinasabing imbitasyon sa mga Duterte para gawing insulto kay Pangulong Ferdinand “Bongbong” Marcos Jr. na nauna nang ibinalitang hindi naimbitahan sa naturang event.</p><p>Pinagbasehan ng marami sa mga post ang isiniwalat diumanong insider information ng dating press secretary ni Duterte na si Trixie Cruz-Angeles sa kanyang livestream na lumabas sa YouTube at Facebook noong Enero 3.</p><p>Sinabi ni Angeles sa bandang 17:14-18:29 ng nasabing livestream na: <em>&quot;One of my sources from the Department of Foreign Affairs [DFA] has confirmed to us that both VP Inday and Former President Duterte are invited to the inauguration of President Trump.&quot;</em></p><p>Matapos niyang sabihin ito ay nagsulputan ang mga post sa social media na direktang sinasabi na kumpirmado ang naging imbitasyon sa dalawang Duterte. Halimbawa, mababasa sa isang post ang tekstong <em>“Compermado na imbitado si VP Sara at PRRD sa inauguration ni President Trump.”</em></p><p>Bilang tugon sa mga nagsulputang post, pinabulaanan ni Angeles na kinumpirma niyang imbitado ang mga Duterte sa inagurasyon ni Trump sa dalawang post sa kanyang Facebook page ilang oras matapos ang kanyang livestream noong Enero 3 (<a href="https://archive.md/S08bx" rel="noopener noreferrer" target="_blank">9:26 p.m.</a> at <a href="https://archive.md/Br8gt#selection-1363.0-1363.132" rel="noopener noreferrer" target="_blank">9:40 p.m.</a>). Patuloy pang nagpaliwanag si Angeles sa isa pang livestream noong Enero 4.</p><p>Tinawag ni Angeles na <em>“imprecise”</em> ang isang post na nag-attribute sa sinabi niyang may nakuha siyang kumpirmasyon at nanawagan siyang huwag magpakalat ng <em>“fake news.”</em> Nilinaw niyang nakuha niya ang kumpirmasyon mula sa “DFA” at hindi sa “US Embassy” tulad ng sinasabi sa post.</p><p>Sa kanyang livestream noong Enero 4, sinabi niyang hindi niya kinukumpirma na imbitado ang mga Duterte kundi kinukumpirma niyang may sinabi sa kanyang ganoong impormasyon mula sa “insider” sa DFA.</p><p><em>&quot;Para maliwanag na wala tayong personal knowledge and there&#x27;s no term na confirm, hindi natin kino-confirm yan. If the word ‘confirm’ was mentioned and nagkamali yung nag-post, I want to clarify that now. No, I cannot confirm that. I can confirm that I heard the same thing from an insider in the DFA,”</em> ani Angeles sa 2:49-3:11 timestamp ng livestream niya noong Enero 4.</p><p>Samantala, nauna na ring kumalat sa social media ang maling mga post tungkol sa umano’y imbitasyon sa mga Duterte sa inagurasyon ni Trump. Gumamit naman ang mga ito ng lumang artikulo gaya noong 2017 kung saan inimbitahan ni Trump si noo’y pangulong Duterte sa White House para pag-usapan ang alyansa sa pagitan ng US at Pilipinas.</p><p>Gayunpaman, hindi nagtungo si Duterte sa White House.</p><div><a href="https://www.abs-cbn.com/news/04/30/17/trump-again-invites-duterte-to-washington" rel="noopener noreferrer" target="_blank">Trump again invites Duterte to Washington</a></div><div><a href="https://www.abs-cbn.com/news/07/21/17/duterte-no-plans-of-going-to-lousy-america" rel="noopener noreferrer" target="_blank">Duterte: No plans of going to ‘lousy’ America</a></div><p>Kumalat ang mga maling impormasyong ito matapos ibalitang irerepresenta ni Philippine Ambassador to the US Jose Manuel Romualdez ang Pilipinas sa inagurasyon ni Trump.</p><p>Bilang tugon kung dadalo ba si Pangulong Marcos, sinabi ni Romualdez na walang head of state ang inimbitahan sa inagurasyon alinsunod sa polisiya. Pero nauna nang ibinalitang napaabutan ng imbitasyon ang ilang world leaders tulad nina Chinese President Xi Jinping, Argentinian President Javier Milei, at Salvadoran President Nayib Bukele.</p><p>Na-fact-check ng ABS-CBN News ang naging pahayag na ito ni Romualdez.</p><div><a href="https://www.abs-cbn.com/news/world/2025/1/3/fact-check-hindi-totoong-walang-inimbitahang-world-leader-sa-inagurasyon-ni-trump-2044" rel="noopener noreferrer" target="_blank">FACT CHECK: Hindi totoong walang inimbitahang world leader sa inagurasyon ni Trump</a></div><p>Itinuturing na hindi pangkaraniwan at labag sa tradisyon ang imbitasyon ni Trump sa ilang world leaders para sa kanyang inagurasyon.</p><div style="text-align:left"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email factcheck@abs-cbn.com o X account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>.</em></div>

<p>Walang kumpirmasyon mula sa official sources ang kumakalat na diumano’y pag-iimbita ni United States (US) President-elect Donald Trump kay Bise Presidente Sara Duterte at sa ama nitong si dating Presidente Rodrigo Duterte sa kanyang inagurasyon sa Enero 20, 2025.</p>

Walang kumpirmasyon mula sa official sources ang kumakalat na diumano’y pag-iimbita ni United States (US) President-elect Donald Trump kay Bise Presidente Sara Duterte at sa ama nitong si dating Presidente Rodrigo Duterte sa kanyang inagurasyon sa Enero 20, 2025.

FACT CHECK: Walang basehan ang umano’y imbitasyon sa mga Duterte sa inagurasyon ni Trump | ABS-CBN

Entertainment

News

Metro.Style

Sports

More

Nation

FACT CHECK: Walang basehan ang umano’y imbitasyon sa mga Duterte sa inagurasyon ni Trump

FACT CHECK: Walang basehan ang umano’y imbitasyon sa mga Duterte sa inagurasyon ni Trump

Eliseo Ruel Rioja,

ABS-CBN Research and Verification Unit

Published Jan 09, 2025 03:13 PM PHT

|

Updated Jan 09, 2025 04:21 PM PHT

Read More:

Donald Trump

President Ferdinand “Bongbong” Marcos Jr.

Trump inauguration

United States

Rodrigo Duterte

Vice President Sara Duterte

misinformation

disinformation

fact check

ABS-CBN Research and Verification Unit

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Advertise with Us

Privacy Policy

Terms of Service

© 2025 ABS-CBN Corporation. All Rights Reserved.