7 sugatan sa salpukan ng pampasaherong jeep, ambulansya sa Quezon City

Lyza Aquino

ABS-CBN News

MAYNILA — Sugatan ang pitong indibidwal matapos magsalpukan ang pampasaherong jeep at ambulansya sa Barangay Pinyahan, Quezon City, mag-a-alas diyes, Martes ng gabi.Ayon kay Nelson Cammayo, kagawad ng Barangay Bagumbuhay na unang rumesponde sa banggaan, binabaybay ng ambulansya ang V. Luna Street papunta sana ng Philippine Heart Center kung saan may dadalhin silang pasyente doon.Binabagtas naman ng pampasaherong jeep ang Kalayaan Avenue, nang magkasalpukan ang dalawang sasakyan sa may intersection.Sa lakas ng salpukan ay bumangga pa sa isang puno at kariton ang ambulansya. Basag ang windshield nito at wasak ang kanang bahagi ng sasakyan.Nasira rin ang harapang bahagi ng pampasaherong jeep.&quot;Itatransfer sana sa heart center yung patient na dala ng ambulance, then suddenly nagkaroon sa aksidente sa Kalayaan at V Luna involving yung ambulance namin at yung jeep na pampasahero. Nagpapasalamat kami sa Panginoon wala pong malubhang nangyari sa sakay ng ambulansya namin, siguro mga minor injuries lang, mga galos at muscle pain, chest pain ang natamo nila like yung driver namin [ng ambulansya],&quot; sabi ni Cammayo.Ayon sa paunang ulat ng Quezon City Police District Traffic Sector 3, nalapatan agad ng paunang lunas ang pitong sugatan. Apat sa kanila ay sakay ng ambulansya habang ang dalawa ay pasahero ng jeep.Nagtamo rin ng galos ang nangangalakal ng basura na si George Camacho, 56-anyos, na tiyempong natutulog sa gilid ng kalsada kung saan nangyari ang insidente. Nasira ang kanyang kariton na ginagamit sana niya sa paghahanapbuhay.&quot;May narinig akong wangwang tapos tulog ako biglang tumilapon ako nagising ako. (Papaano niyan nasira yung kariton ninyo? Eh ginagamit niyo sa hanapbuhay?) Pababayaran ko yan, ginagamit ko yun para sana pambili ko ng maintenance para sa sakit sa puso,&quot; sabi ni Camacho.Agad rumesponde ang rescue team ng Barangay Malaya, para ilipat doon ang pasyente ng nabanggang ambulansya at madala na sa ospital.&quot;Iyong pasyente na galing sa ambulansya namin naitransfer namin sa Barangay Malaya, sa tulong nila naitransfer namin ang pasyente papuntang Heart Center,&quot; ayon kay Cammayo.Susubukan din umano nilang magbigay ng tulong pinansyal sa nasirang kariton ni Camacho.Patuloy na iimbestigahan ng awtoridad ang insidente habang tinutugis din nila ang driver ng jeepney na tumakas matapos ang banggaan.

Sugatan ang pitong indibidwal matapos magsalpukan ang pampasaherong jeep at ambulansya sa Barangay Pinyahan, Quezon City, mag-a-alas diyes, Martes ng gabi.

Sugatan ang pitong indibidwal matapos magsalpukan ang pampasaherong jeep at ambulansya sa Barangay Pinyahan, Quezon City, mag-a-alas diyes, Martes ng gabi.

7 sugatan sa salpukan ng pampasaherong jeep, ambulansya sa Quezon City | ABS-CBN

Entertainment

News

Metro.Style

Sports

More

Nation

7 sugatan sa salpukan ng pampasaherong jeep, ambulansya sa Quezon City

7 sugatan sa salpukan ng pampasaherong jeep, ambulansya sa Quezon City

Lyza Aquino,

ABS-CBN News

Published Jan 08, 2025 01:08 AM PHT

Read More:

Quezon City

aksidente

banggaan

ABSNews

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Advertise with Us

Privacy Policy

Terms of Service

© 2025 ABS-CBN Corporation. All Rights Reserved.