3 arestado sa iligal na paghatak ng tugboat sa dagat

Karen De Guzman

ABS-CBN News

MAYNILA -- Arestado ang tatlong indibidwal na sangkot umano sa iligal na paghatak ng isang tugboat sa Sual, Pangasinan.Dumulog sa National Bureau of Investigation (NBI) ang Hongkong River Engineering Co., Ltd. para iulat ang nawawala nilang M/Tug &quot;ASL PROSPER&quot; noon pang Disyembre.Ayon sa kinatawan ng kumpanya na si Aristotle Alipio, bago tinangay ang kanilang tugboat, isang local salvage company ang nagsabing abandonado at delikado na umano ito sa paglayag.“So we write to Coast Guard, kami po ay nagbigay ng aming complaint na hindi po ‘yan nawawala, hindi po ‘yan abandoned. Despite submitting our letter to them, nagkaroon pa po ng issuance ng emergency salvage permit,” ani Alipio.Hinatak noong Disyembre 30 ang nasabing tugboat at dinala sa Navotas Fishport Complex sa kabila ng kanilang reklamo.Sa imbestigasyon ng NBI National Capital Region (NCR), napag-alaman na taong 2018 pa nakadaong doon ang tugboat at mayroon naman itong kaukulang dokumento.“Ang kumpanya naman, ang may-ari ay patuloy na nagbabayad. Binayaran pa rin nila ‘yung mga dockage fees. Ang nakakapagtaka bakit biglang nag-issue ng emergency salvage permit,” ani Atty. Eufemio Martinez, agent-on-case ng NBI-NCR.Nitong Sabado, narekober ng mga operatiba ng NBI ang tugboat na itinago sa likod ng isang malaking barko sa Navotas Port at kunwari’y hinahatak para masabing hindi na ito mapapakinabangan.Wala ring maipakitang kahit anong papeles ang tatlong lalaki na naabutan sa tugboat.“Medyo matagal, ilang araw bago ma-sight ‘yun. So hindi natin alam kung saan dinala, anong nabawas sa barko na ‘yan o kung ano pang ginawa ng mga taong ito,” sabi ni Martinez.“To make it appear na hindi na siya sea worthy ay hinihinila, ‘yun kasi ang claim nila kaya kunwari hinihila but when we recovered the tugboat ay umaandar at nalilipat sa isang neutral ground,” sabi ni Dir. Jaime Santiago ng NBI.Depensa ng isa sa mga suspek, kinontrata lang sila para hatakin ang tugboat.“Towing talaga ang trabaho namin. ‘Yung sabihin na ninakaw, hindi kasi bago ka umalis dun, kailangan may clearance sa Coast Guard. Ang naglakad dyan ‘yung clearing officer,” sabi ng suspek.Sinampahan ng reklamong piracy ang mga suspek na ayon sa NBI ay walang piyansa.Magsasagawa rin sila ng imbestigasyon para malaman kung sino pa ang mga kasabwat at nasa likod ng insidenteng ito.

Arestado ang tatlong indibidwal na sangkot umano sa iligal na paghatak ng isang tugboat sa Sual, Pangasinan.

Arestado ang tatlong indibidwal na sangkot umano sa iligal na paghatak ng isang tugboat sa Sual, Pangasinan.

3 arestado sa iligal na paghatak ng tugboat sa dagat | ABS-CBN

Entertainment

News

Metro.Style

Sports

More

Nation

3 arestado sa iligal na paghatak ng tugboat sa dagat

3 arestado sa iligal na paghatak ng tugboat sa dagat

Karen De Guzman,

ABS-CBN News

Published Jan 07, 2025 07:55 PM PHT

Read More:

crime

NBI

Sual

Pangasinan

ABSNews

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Advertise with Us

Privacy Policy

Terms of Service

© 2025 ABS-CBN Corporation. All Rights Reserved.