Kinumpirma ng Philippine National Police (PNP) na 22 active-duty na pulis ang isinailalim na sa restrictive custody matapos umanong masangkot sa iregularidad sa isang anti-illegal drug operation noong 2022 sa Maynila. 

Nasa 990 kilo ng shabu na nagkakahalaga ng halos P6.7 billion ang nakumpiska noon sa operasyon. 

Ayon kay PNP spokesperson Brigadier General Jean Fajardo, 30 pulis ang akusado pero ang ilan sa kanila ay retirado na o na-dismiss na sa serbisyo.  

Iginiit din ni Fajardo na nananatiling matatag ang kampanya ng PNP laban sa mga tauhan nilang nasasangkot sa mga ilegal na gawain.