Buyer ng sasakyan pinatay, pinagnakawan ng ahente; asawa sugatan

car dealer shot vehicle

car dealer shot sa cavite

Lyza Aquino

ABS-CBN News

Dead on the spot ang isang lalaki habang sugatan naman ang kanyang asawa matapos silang pagbabarilin sa loob mismo ng kanilang sasakyan sa Barangay Langkaan 1, Dasmarinas, Cavite.Ayon kay Police Lieutenant Colonel Julius Balano, Chief of Police ng Dasmarinas Police, isang used car dealer o nagbuy and sell ng mga secondhand na sasakyan ang mag-asawang biktima.Lumabas sa imbestigasyon ng pulisya na dumayo sila ng Dasmarinas para sana makipagkita sa isang ahente na nagbebenta sa kanila ng isang van.&quot;Ang mag-asawa engaged sila sa buy and sell. Bale kasi pinakilala po siya [ang suspek] ng tatlong naunang ahente. Ang usapan po nila may binebenta pong van dito sa Dasmarinas itong tao [suspek].&quot;&quot;Bale minamadali niya itong victim na puntahan na kasi... may mga gustong kumuha na rin [ng van] baka maunahan daw siya,&quot; sabi ni Balano.&quot;So itong victim, pumunta kahit na gabi na po. So noong dumating dito, habang hinihintay nila &#x27;yung suspek sa isang resort, tumawag ang suspek sinabi dumating na siya sa isang simbahan... doon po siya pinickup ng victim at dinala  sa lugar kung saan daw nila kakausapin &#x27;yung may-ari ng sasakyan. However, pagdating sa mga tubuhan, bigla na lang po binaril ng suspek itong biktima,&quot; dagdag niya.Nagtamo ng mga tama ng bala sa katawan, leeg at ulo ang 46 anyos na lalaking biktima na nagresulta sa kanyang agarang pagkamatay. Ang babaeng biktima naman, nagtamo ng tama ng bala sa balikat at likod, at agad isinugod sa ospital.&quot;Pagdating namin doon nakita ko si ma&#x27;am may kumakausap na sa kanya doon. Agad na pinaalam sa amin na sila nga ay pinagbabaril. Noong napansin kong okay pa si mam stable pero in pain talaga siya. Ang binabanggit niya is balikat at likod [gunshot]. So kumuha na ako ng response sa ambulance at kapulisan kasi sinasabi niya ang kanyang mister nasa loob ng sasakyan,&quot; kwento ni Roland Medina, tanod investigator na unang rumesponde sa insidente.&quot;Una pong banggit niya talaga [biktima] sa akin ay &#x27;May bumaril sa amin, pinagbabaril kami.&#x27;&quot;&quot;Ang sinasabi nga niya eh nung time na may malay pa siya, naririnig niya na sinasabing &#x27;Hanapin niyo &#x27;yung mga bag.. halughugin nyo ang mga gamit.&#x27;&quot;&quot;Ang sabi niya kasama raw po [ang suspek], ang sinabi niya sila po ay buy and sell and ang punta nila dito ay may bibilhin silang sasakyan at may agent silang kinita at kasama nila at &#x27;yun na ang nangyari [shooting],&quot; dagdag niya.Ayon sa Dasmarinas Police, robbery ang isa sa tinitingnan nilang anggulo sa krimen. Tinangay kasi ng mga suspek ang 6 na cellphones ng mga biktima at dalawang bag na sinasabing may lamang pera na pambayad sana nila doon sa van.&quot;I-try po namin iconfirm kasi &#x27;yun &#x27;yung statement po ng wife po. Ang sabi niya may sa isang bag may P400,000 at sa isang bag almost nasa P100,000 yung pera... 400 thousand. Almost nasa 500-600 thousand po yung sinasabing nandoon,&quot; sabi ni Balano.Hindi na narecover ng pulisya ang mga pera pero nahanap nila sa ilog ang dalawa sa mga ninakaw na cellphones.Sa ngayon ay tukoy na ang isa sa sinasabing bumaril sa mag-asawa at patuloy nilang tinutugis ang mga nasa likod ng krimen.Tumanggi namang magbigay ng pahayag ang mga kaanak ng mga biktima.

Dead on the spot ang isang lalaki habang sugatan naman ang kanyang asawa matapos silang pagbabarilin sa loob mismo ng kanilang sasakyan sa Barangay Langkaan 1, Dasmarinas, Cavite.

Dead on the spot ang isang lalaki habang sugatan naman ang kanyang asawa matapos silang pagbabarilin sa loob mismo ng kanilang sasakyan sa Barangay Langkaan 1, Dasmarinas, Cavite.

Buyer ng sasakyan pinatay, pinagnakawan ng ahente; asawa sugatan | ABS-CBN

Entertainment

News

Metro.Style

Sports

More

Nation

Buyer ng sasakyan pinatay, pinagnakawan ng ahente; asawa sugatan

Buyer ng sasakyan pinatay, pinagnakawan ng ahente; asawa sugatan

Lyza Aquino,

ABS-CBN News

Published Dec 09, 2024 07:47 AM PHT

Read More:

buy and sell

car dealer

dasmarinas

cavite

crime

krimen

tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

Terms of Service

Advertise with Us

© 2024 ABS-CBN Corporation. All Rights Reserved.

NPC Seal of Registration

Advertise with Us

Privacy Policy

Terms of Service

© 2024 ABS-CBN Corporation. All Rights Reserved.