Tinaguriang frontliner ang mga guro at kawani ng edukasyon na nagsisilbing mga miyembro ng electoral board tuwing halalan.

Sa malaking tungkuling ito, handa nilang suungin ang anumang hamon matiyak lang na maayos, malinis at payapa ang botohan mula sa testing at sealing ng mga makina, hanggang sa bilangan at pag-transmit ng mga boto.

Binalikan ni Job Manahan ang mga pinagdaanan ng ilang guro para protektahan ang mga boto at inalam kung sapat ang suporta at benepisyong natatanggap ng mga guro sa misyong ginagampanan nila.