Beteranong OFWs, pinarangalan sa Italy dahil sa dedikasyon sa trabaho

TFC News

Torino, Italy — Kinilala kamakailan ang ilang Overseas Filipino Workers dito ng isang grupo dahil  sa kanilang natatanging dedikasyon sa trabaho mula 10 hanggang 50 taon. Isinagawa ng Filipino Seniors of Turin (FILSET) ang pagpaparangal bilang bahagi ng ika-37 anibersaryo nito. Patuloy naman ang grupo sa pagbibigay ng suporta at pagtataguyod sa kapakanan ng mga Pilipino sa bansa. Sa katatapos na anibersaryo, pinuri ang 15 OFW na nagsilbi bilang domestic workers at ilan pa nga ay mga propesyonal sa Pilipinas bago dumating sa Italya. Karamihan sa kanila ay nagsimula bilang mga domestic helper na kinalaunan ay nagtagumpay din sa kanilang mga propesyon sa kabila ng mga pagsubok na hinaharap ng mga migrant worker.Isa sa mga kinilala ay si Virginia Cacho, na kasalukuyang pangulo ng FILSET. Sa edad na 24 ay nakipagsapalaran siya noong 1975 bilang domestic worker sa Italya. Tubong Baguio City, nagtapos siya ng accountancy sa kolehiyo.<div><img src="https://od2-image-api.abs-cbn.com/prod/editorImage/1736269782102image1.jpeg" style="width:674px" class="fr-fic fr-dib" alt="Kabilang ang mga retiradong OFW na namasukan bilang domestic worker sa Italya para sa kanilang dedikasyon sa trabaho."/>Kabilang ang mga retiradong OFW na namasukan bilang domestic worker sa Italya para sa kanilang dedikasyon sa trabaho.</div>&quot;Dumating kami [na] walang nakakakita ng Ingles,” ani Cacho, na ngayo’y 70 taon gulang na. “Nag-aral kami ng wika sa sarili naming paraan. Nagpabili kami ng diksyunaryo at mga libro para matutunan ang wika, at sa kabila ng mga pagsubok, nagtagumpay kami.”Ibinahagi ni Cacho ang hirap ng unang OFWs na nagtatrabaho sa Italy: “Mahirap noong araw, hindi pwedeng bumili o umupa ng apartment. At walang one day-off. Nag-iiyakan kami noon, pito lang kami at nagtrabaho ako sa bundok, hanggang unti-unting naging 100 kami.”Kalaunan, nakapagtayo sila ng asosasyon na siyang nagbigay daan sa pagkatatag ng FILSET.Nagbigay din siya ng mensahe sa mga OFWs: “Magtiwala lang sa sarili at magsikap.”Nagretiro si Cacho mula sa pagiging domestic helper nang umabot sa edad na 60. Bilang lider na ngayon ng FILSET, siya ay nagsisilbing gabay sa mga Pilipino sa Italya, lalo na sa pagbibigay ng trabaho at tulong sa mga pangangailangan.<div><img src="https://od2-image-api.abs-cbn.com/prod/editorImage/1736269841421image0.jpeg" style="width:728px" class="fr-fic fr-dib" alt="Kabilang ang mga retiradong OFW na namasukan bilang domestic worker sa Italya para sa kanilang dedikasyon sa trabaho."/>Kabilang ang mga retiradong OFW na namasukan bilang domestic worker sa Italya para sa kanilang dedikasyon sa trabaho.</div>Kasama rin sa mga pinarangalan si Sonia Tejado. Ang 74 taong gulang ay namasukan bilang domestic worker sa Torino sa loob ng 49 taon mula 1975. Isang guro mula San Pablo sa Laguna si Tejado at nagtrabaho rin sa isang bangko bago tumungo sa Italya.Si Aida Ordonio naman, na 70 taong gulang mula La Union, ay dumating dito noong 1979. Tulad ng maraming OFWs sa bansa, nagsilbi rin siya bilang household at health worker ng halos 50 taon at nakapagretiro na rin.Isa rin sa mga pinarangalan ay ang 76 taong gulang na si Angelina de Guzman mula Isabela. Isang dating guro sa Pilipinas, nagsimula siya bilang babysitter sa Torino ng 47 taon mula 1977, at ngayon ay may sariling negosyo na sa remittance at iba pang mga serbisyo.&quot;Konting tiyaga, sipag, at determinasyon lang, at makakamtan mo rin ang iyong mga pangarap,&quot; ani De Guzman, na nakapagpalaki na rin ng dalawang anak.Isang natatanging bahagi ng selebrasyon ang beauty pageant na isinagawa para sa mga kababaihang Pilipino. Nagbigay saya ito sa mga dumalo sa pagtitipon na naging gabi ng kasiyahan at pagkakaisa.Layon ng FILSET na patuloy na magsilbing tulay para sa mga Pilipino sa Italya sa pagbibigay ng impormasyon, suporta, at mga programa na magpapabuti sa kalagayan ng mga OFW at mga retiree.

Isinagawa ng Filipino Seniors of Turin ang pagpaparangal bilang bahagi ng ika-37 anibersaryo nito.

Isinagawa ng Filipino Seniors of Turin ang pagpaparangal bilang bahagi ng ika-37 anibersaryo nito.

Beteranong OFWs, pinarangalan sa Italy dahil sa dedikasyon sa trabaho | ABS-CBN

Entertainment

News

Metro.Style

Sports

More

News

Beteranong OFWs, pinarangalan sa Italy dahil sa dedikasyon sa trabaho

Beteranong OFWs, pinarangalan sa Italy dahil sa dedikasyon sa trabaho

TFC News,

Maricel Burgonio

Published Jan 08, 2025 01:22 AM PHT

Read More:

Europe

Italy

OFW

TFC News

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Advertise with Us

Privacy Policy

Terms of Service

© 2025 ABS-CBN Corporation. All Rights Reserved.