SEOUL, South Korea - Nagsagawa ng post-arrival orientation para sa mga bagong dating na Pinoy caregivers sa South Korea ang Embahada ng Pilipinas sa Seoul katuwang ang Migrant Workers Office-OWWA of Seoul noong August 23.

Post-arrival orientation para sa mga bagong dating na Pinoy caregivers sa South Korea

Ang nasabing programa ay nasa ilalim ng Employment Permit System (EPS)’ Pilot Project bsa pagitan ng Philippines’ Department of Migrant Workers o DMW at ng Korea’s Ministry of Employment and Labor o MOEL.

Ayon pa sa DFA, sumailalim ang mga nasabing OFW sa workers training kabilang na ang Korean labor standards, immigration laws, human rights, and occupational safety; Korean language and culture; EPS pilot project principles and scope of work; Embassy and MWO-OWWA program and services; daily living practices; at specialized training sa child care and child safety nang naaayon sa Korean family values at practices. 

Binigyang diin ni Ambassador Ma. Theresa B. Dizon-De Vega ang mga kakayahan at kaalaman ng Filipino EPS caregivers na sumailalim sa istriktong screening at qualifications sa ilalalim ng National Competency II Certificate Program on Caregiving ng Pilipinas. Dagdag pa ni Amb. Dizon-De Vega ang likas na pagiging maalaga at maasikaso ng mga Pilipino ay kilala sa maraming bansa. Kaya’t napakalaki ng magandang ambag ng mga Pilipinong caregivers hindi lamang sa early child and elderly care system kundi pati na sa pagpapalakas ng female workforce participation at work and family life balance.

Sa ilalim ng pilot project, ang MOEL-certified agencies ang magsisilbing employers ng Pinoy caregivers habang ang client Korean-households ay dapat na dual-income families na may anak o mga anak na hanggang 12 taong gulang, pamilyang may single parent o mga pamilyang may nagdadalantao.