PARAÑAQUE — Aabot sa $1,500 o higit P80,000 piso ang natangay ng dalawang 'di pa nakikilang suspek na nanloob at nang holdup sa isang noodle house sa baba ng isang condominium sa Barangay Tambo, bandang 10:05 ng umaga nitong Biyernes.

Sa report ng Paranaque City Police, armado ng di pa tukoy na kalibre ng baril ang mga suspek. 

Pumasok sa kainan ang isa sa mga ito at agad na tinutukan ng baril ang noo’y mga kumakain na mga biktima. Mga Canadian, Malaysian, at Chinese ang mga biktima.

Nakuha ng mga suspek ang 3 cellphone ng mga biktima, mga pasaporte ng mg ito, mga ID at ang nasabing cash.

Matapos ang krimen agad na tumakas ang mga suspek sakay ng motorsiklo.

Patuloy naman ang backtracking at follow up operation ng Tambo Police Substation. In-activate na rin ang tracker team ng istasyon para sa pagtugis sa mga salarin. May person of interest na rin umano ang mga otoridad.

Hindi naman nasaktan ang mga biktima.