MAYNILA — Tinawag ni Vice President Sara Duterte na paninirang-puri ang alegasyong plagiarism o pangongopya ng content sa libro niyang "Isang Kaibigan", isang aklat pambata na tungkolsa magkaibigang kuwago at loro.

Naging kontrobersiyal ang librong "Isang Kaibigan" nag humiling si Bise Presidente ng P10-milyong badyet para madistribute ang babasahin, bagay na kinuwestiyon ni Sen. Risa Hontiveros.

Dahil sa kontrobersya, naungkat naman sa social media ang pagkakapareho ng kuwento ng "Isang Kaibigan" sa serye ng mga libro na may pamagat na "Owly" na tampok din ang isang kuwago. 

Ang orihinal umano na bersiyon ng kuwento ay akda ni Andy Runton.

'I don't appreciate the attitude': Sara Duterte, Risa Hontiveros in heated exchange 

Mariing itinaggi naman ng Bise Presidente ang alegasyon.

"Napakadaling sumulat ng maikling kwento batay sa sariling karanasan, hindi na kailangang mangopya pa," aniya sa isang kalatas.

"Ang proyekto ay para mahilkayat ang mga bata na mahalin ang pagbabasa at sumulat ng sarili nilang kwento."

Sinabi rin niyang maglalabas din siya ng panibagong libro na tatalakay naman sa "pagtataksil."

"Abangan ninyo ang susunod kong isusu;at na libro tingkol sa pagtataksil ng isang kaibigan," sabi ni Duterte.

OVP budget briefing nauwi sa pagtatalo nila VP Sara, Hontiveros 

 Hindi na nabanggit sa kalatas ang puna ng ilang social media user na maaring galing sa isang online graphic design app ang mga drowing sa aklat ni Duterte.

IBA PANG ULAT