MAYNILA — Walong taon mula nanalo ang Pilipinas sa kasong teritoryal laban sa China, patuloy pa rin ang pagbabanta at pag-angkin ng dayuhan sa West Philippine Sea.

Hulyo 12, 2016, nagdesisyon ang Permanent Court of Arbitration sa The Hague, Netherlands pabor sa Pilipinas. 

Sa desisyon, sakop ng exclusive economic zone ng bansa–o ang 200 nautical miles mula sa baybayin nito–ang West Philippine Sea, batay sa United Nations Convention on the Law of the Sea. 

Ngunit hindi kinikilala ng China ang desisyong ito dahil sa kanilang tinaguriang "nine-dash line" at ginigiit na kabilang ang West Philippine Sea sa umano’y makasaysayang teritoryo nila. 

Walong taon mula ang desisyon, dumaranas pa rin ng pagpapatrolya at harassment ang Philippine Coast Guard at mga Pilipinong mangingisda dulot ng militar at komersyal na operasyon ng China sa lugar. 

Samantala, pinapatibay naman ng lokal na militar ang pagdepensa ng inaangking bahagi ng Pilipinas. – Ulat ni Michael Delizo, Patrol ng Pilipino

Philippines to 'stand our ground' in South China Sea dispute

South China Sea clash raises fears of full-blown conflict

PH will not sacrifice sovereign rights in seeking ‘big dialogue’ with China: DFA