MILAN - Nakagayak ng makukulay at magagarang Filipiniana at barong ang mga Pilipinong dumalo sa Kalayaan Ball sa Milan nitong Sabado. Bahagi ang event ng selebrasyon sa ika-126 taong anibersaryo ng Philippine Independence Day sa June 12. 

Sinimulan ang selebrasyon sa paghains mga panauhin ng mga killalang Pinoy street foods tulad ng kwek-kwek, lumpiang Shanghai, bibingka,  empanada at iba pa. 

Nagustuhan din ng mga banyagang bisita ang mga pagkaing inihanda sa Kalayaan Ball. Nagpasaya din sa pagdiriwang ang kundiman songs at pagharana sa mga Pilipino at banyagang bisita.

Ayon kay Consul General Cato ng Philippine Consulate General sa Milan, masaya siyang makitang nakagayak ang bawat Pinoy sa Kalayaan Ball. Kung saan naipakita  ang kulturang Pilipino mula sa damit, pagkaim hanggang sa pagpapakilala sa turismo ng Pilipinas.

“We started last year when we came up a ball to raise the profile of the Filipino dito lang tayo sa bahay (domestic worker). It’s time to change the perception. Most of our kababayan who are household service workers are actually professionals back home, so we went changing perspectives. Kung nakita niyo ngayon, it’s a mixed crowd, Filipinos and Italians, its one way to share our culture with them,” sabi ni Cato.

Nagpanga naman ang mga Pinay na nakasuot ng Filipiniana na may iba-ibang disenyo. 

“Of course, kapag nakita mong mga kababayan natin na nakabihis, nakaporma, proud na proud ka at proud na proud din sila. Ang observation natin, may inferiority complex ang mga kababyan natin. We always been silent and invisible. But slowly the Filipinos are emerging slowly, they are finding their voice. Their future, mag-unite tayo, kayang-kaya kung sama-sama. We have to set aside our differences and our concerns can be addressed if we work together,” sabi ni Cato. 

Maraming Pilipino ang inaasahang dadayo sa dalawang araw na cultural extravaganza sa Milan sa darating na June 29 at 30, sa mga huling araw ng selebrasyon ng Philippine Independence Day. 

Ilang celebrity mula sa Pilipinas ang dadalo tulad sa event tulad ni Wency Cornejo, Ate Glow at cultural dancers na Mascara Dancers mula Bacolod City at Higantes mula Angono, Rizal.

Ang pagtatanghal ng mga kulturang Pinoy ay isang paraan upang maiangat ang imahe ng mga Pinoy sa Italy na migranteng may angking talino’t sipag  at mayamang kultura pwedeng ipagmalaki sa buong mundo. 

Para sa mga nagbabagang mga balita tungkol sa ating mga kababayan sa Italya, tumutok sa TFC News sa TV Patrol.