Natupok ang apat na palapag na residential building sa Bgy. 120, Caloocan, umaga ng Biyernes. 

Ayon kay Fire Chief Inspector Angelie Salva, Deputy City Fire Marshall ng BFP Caloocan, inakyat nila sa ika-2 alarma ang sunog bago idineklarang fire under control pasado alas-7 siyete ng umaga.

"Medyo nahirapan tayo dahil masisikip ang dinaanan at dikit dikit ang mga bahay at mga wirings. Iyon po yung dahilan bakit nag-tap kami ng second alarm dahil baka magkaposibility na kumalat siya," sabi ni FCInsp. Salva.

"Nagsimula siya sa second floor malapit sa CR. Sa initial investigation ay electrical ang pinagmulan. Identified na ang origin, pero ang cause ay iniimbestigahan pa natin," dagdag ni Salva.

Walang nasugatan o nasawi sa insidente, habang nasa 4 na pamilya ang naapektuhan ng sunog.