Kasabay ng pagdiriwang ng Araw ng Biñan sa Laguna, pinasinayaan na ng lokal na pamahalaan ng Biñan City ang ikalawang campus ng Polytechnic University of the Philippines (PUP).

Ang bagong PUP Biñan Campus 2 ay matatagpuan sa national highway ng Barangay Canlalay kung saan ito ang magiging College of Information Technology and Engineering (CITE). 

May kakayagan ang PUP- CITE Biñan Campus 2 na tumanggap ng karagdagang 1,000 na mga engineering at IT students.

PUP launches 'Education on Wheels' for underprivileged students

Ang unang PUP Binan ay matatagpuan sa likod ng city hall na may 1,700 students capacity.

Ayon kay Mayor Walfredo “Arman” Dimaguila Jr., nais ng lokal na pamahalaan na magkaroon ng magandang edukasyon ang mga Biñanense kaya patuloy ang kanilang paghahanap ng mga pamamaraan para makapagpatuloy ng pagaaral ang mga bata at makapagtapos ng kolehiyo.

“Kapag tiningnan nyo yearly ang nagtatapos na Grade 12 sa City of Biñan is more than 3,000, so marami doon ang hindi nakakapag-kolehiyo, hindi kasi kayang isustain ng scholar ng Biñan lahat. Example ang tuition sa mga private universities and colleges nagra-range sa P50,000 to P80,000 per sem, ang PUP wala pang P10,000 ang gastos naming per student, so imagine mo ang savings and hindi mo p'wede questionin ang quality ng edukasyon na prinoprovide ng PUP,” sabi ni Dimaguila Jr.

More than 20K students line up for PUP entrance test

May apat na palapapg ang PUP- CITE Biñan Campus 2 na may 18 regular classrooms at 4 na malalaking laboratories.

Ang kinatatayuan ngayon ng PUP- CITE Biñan Campus 2 ay dating lumang gusali ng AMA Computer College na binili ng lokal na pamahalaan sa landbank sa halagang P150 milyon.

Nakatayo ito sa lote na may sukat na 2,500 square meters.