Malalaking alon ang naminsala sa bayan ng Pola, Oriental Mindoro sa gitna ng pagsalubong sa Pasko.

Nawasak ang mga bahay, resort at bahay sa mga barangay ng Bayanan, Batuhan, Pula Zone 1 at Zone 2 bunsod ng malalakas na alon.

• PAGASA: Expect cloudy, rainy Christmas Eve in parts of Philippines
• Shear line, amihan to bring cloudy skies, rains to parts of PH on Christmas: PAGASA

Binaha rin ang maraming barangay, dulot na rin ng malakas na ulan.

"Umapaw ang tubig sa dike. Though malaki na ang dike, umapaw pa rin ang tubig. Lumaki 'yong baha," ani Pola Mayor Jennifer Cruz.

Ayon kay Cruz, 300 pamilya ang apektado ng baha at malalaking alon, na nahatiran na ng relief goods.

Hindi nakaligtas sa hampas ng alon ang mga kubo sa resort ni Leonido Maamo.

"Bago mag-alas-10 ng gabi, sobra talagang lakas ng alon hanggang 11:30 ng gabi. 'Yon po lahat ng pundasyon noong aming cabana, lumutang po talaga," ani Maamo.

• Ilang lugar sa Visayas, Bukidnon binaha dahil sa masamang panahon

RELATED VIDEO

Watch more News on iWantTFC