NAGA CITY – Mahigpit na seguridad ang ipinapatupad ng awtoridad sa pagdagsa ng mga taong bibisita sa kanilang mga yumaong mahal sa buhay sa mga sementeryo simula ngayong Huwebes sa lungsod na ito.

Maagang nag-formation ang mga pulis sa tapat ng sementeryo sa lungsod.

Kasama nila sa puspusang pagbabantay sa trapiko at libingan ang mga opisyal ng barangay at volunteers.

Dalawang itak ang agad nakumpiska dahil ipinagbawal na ang paglilinis sa loob ng sementeryo.

Sa isang pribadong sementeryo naman, iba ang naging pakulo.

Ang mga buntis, may kapansanan at may edad na, may libreng sakay pa.

May mga payaso rin na mang-aaliw sa mga bata.

Samantala, nakahanda na rin ang libingan ni dating Interior and Local Government secretary Jesse Robredo para sa mga bibisitang pamilya, malalapit na kaibigan at kakilala.