Push Admin

2 airport security screener, inireklamo na nagnakaw sa dayuhan

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/09/04/20151102-naia-airport-jc-7340.jpg?ext=.jpg"/><figcaption>Ninoy Aquino International Airport Terminal 3. <em>Jonathan Cellona, ABS-CBN News</em></figcaption></figure></div><p><strong>(UPDATED)</strong> Inireklamo ang dalawang airport security screener matapos umanong magnakaw ng pera sa isang pasahero sa Ninoy Aquino International Airport (NAIA) Terminal 3.</p><p>Sinampahan ng kasong theft ang dalawang airport screener habang ang isa naman sa kanila ay may karagdagang kasong unjust vexation matapos magwala habang isinasailalim ng mga awtoridad sa interview. </p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1425240" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Gabi ng Huwebes nang ilagay ng isang Taiwanese ang kaniyang dalawang hand-carry na bagahe sa X-ray ng paliparan para sa screening.</p><p>Napansin umano niya ang isang airport screener na may kinukuha mula sa kaniyang bag at saka ibinulsa ito.</p><p>Hindi na nakapalag ang Taiwanese dahil may hinahabol siyang flight pero nang bilangin umano niya sa eroplano ang perang inilagay sa bag ay nabawasan daw ito ng USD2,600 o higit P137,000.</p><p>Nagpatulong ang dayuhan sa kaniyang mga kaibigan para magreklamo sa Manila International Airport Authority (MIAA).</p><p>Sa imbestigasyon, inamin ng isa sa mga screener na nakatanggap siya ng $100 bilang balato umano mula sa kasamahan niya pero hindi raw niya alam na ninakaw ito ng kasama.</p><p>Itinanggi naman ng isa sa mga screener ang paratang at nagwala nang isailalim sa interview.</p><p>Tinanggalan na rin ng access pass ang mga screener para hindi na makapasok sa NAIA. </p><p>Pinag-iisipan na ng Office of Transport Security ang mga paraan para hindi na maulit ang kaparehong sitwasyon, tulad ng pagtanggal ng mga bulsa sa mga uniporme ng mga airport screener.</p><p>Plano rin nilang magtalaga ng mga magbabantay sa mga screener at titingnan din kung maaaring taasan ang suweldo ng mga ito.</p><div><strong>--Ulat nina Apples Jalandoni at Jasmin Romero, ABS-CBN News</strong></div>

<p>Inireklamo ang dalawang airport security screener matapos umanong magnakaw ng pera sa isang pasahero sa Ninoy Aquino International Airport Terminal 3.</p>

Inireklamo ang dalawang airport security screener matapos umanong magnakaw ng pera sa isang pasahero sa Ninoy Aquino International Airport Terminal 3.