Watch more in iWantv or TFC.tv

USAPANG DE CAMPANILLA: 4THURSDAY/COLOMS/USAPANG DE CAMPANILLA]

MAYNILA — May kaukulang parusa sa batas ang mga mahuhuling fixer o mga taong nagpapabilis ng mga proseso sa gobyerno gamit ang hindi lehitimong paraan.

Laganap ang mga fixer lalo na sa tanggapan ng Land Transportation Office (LTO) na siyang naatasang magproseso ng mga lisensiya at plaka.

• 'LTO fixer' arestado sa Quezon City

Ayon kay LTO chief Edgar Galvante, mapapanagot ang mga fixer sa ilalim ng Republic Act No. 9485 o "Anti Red-Tape Act."

Maaaring ma-dismiss sa serbisyo ang isang government employee na mapapatunayang sangkot dito.

Posible ring makulong ang mga ito ng hindi lalagpas sa 6 taon at pagmultahin mula P20,000 hanggang P200,000.

Pero ayon kay Galvante, may parusa din sa mga taong kakagat o mag-aalok ng dagdag-bayad sa isang fixer.

"May kaukulang parusa sa kanila actually... Puwedeng hindi siya makapag-renew ng lisensiya at hindi makapag-drive ng 2 taon," ani Galvante.