MAYNILA - Itinakda na ng Commission on Elections sa Oktubre 26, 2019 ang special elections para sa mga kinatawan ng una at ikalawang distrito ng Southern Leyte, unang distrito ng South Cotabato, at lone district ng General Santos City.

Nauna nang sinuspinde ang eleksiyon para sa kinatawan ng mga nasabing lalawigan dahil nitong Pebrero at Abril lamang naisabatas ang paghahati ng mga distrito.

Sa Comelec Resolution 10551, itinakda ang filing ng certificates of candidacies sa Agosto 26 hanggang 28.

Ang huling araw naman ng filing ng correction o pagwawasto sa pangalan ng mga kandidato sa balota ay sa Setyembre 11.

Ang mga substitute candidates ay maaari namang mag-file ng COC hanggang Setyembre 16.