Gabriela Bicol chairperson, inaresto sa kasong murder

Rizza Mostar, ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/news/07/08/suspect-murder.jpg"/><figcaption>Inaresto ng pulisya si Jenelyn Nagrampa, ang chairperson ng Gabriela Bicol, dahil sa 2 counts of murder. Inuugnay si Nagrampa sa engkuwentro sa Ragay kung saan 2 sundalo ang namatay noong 2018. Larawan muna sa Nabua Police </figcaption></figure></div>NABUA, Camarines Sur – Inaresto ng pulisya nitong Martes ang chairperson ng Gabriela Bicol na si Jenelyn Nagrampa sa San Isidro, Poblacion sa bayang ito dahil sa kasong may kaugnayan sa pagpatay. Isang arrest warrant ang nilabas ni Judge Jeaneth San Joaquin ng Regional Trial Court Branch 56 ng Libmanan noong Hunyo 23 laban kay Nagrampa. Ito ay may kinalaman sa nangyaring engkuwentro sa Barangay Salvacion sa bayan ng Ragay noong Mayo 13, 2018, kung saan dalawang sundalo ang namatay. &quot;Nagulat siya, dahil ang expectation niya diumano ay sumagot daw siya sa nasabing kaso nung ito ay nasa piskalya pa dahil binigyan sila ng pagkakataon na sagutin ang nasabing demanda. At nagulat sila bakit nagkaroon pa rin ng warrant of arrest,&quot; ayon kay Police Major Ronnie Fabia, hepe ng Nabua Police. Isinailalim si Nagrampa sa rapid anti-body test para sa COVID-19 sa lungsod ng Iriga. Nagnegatibo naman siya sa test.Ayon sa kaniyang asawang si Leo Caballero, imposible at walang basehan ang kaso laban kay Nagrampa. &quot;Imposibleng mangyari kasi unang-una, e kapapanganak pa lang niya nung mga panahon na ‘yon sa aming bunsong anak. At kung titingnan po natin ay panahon po ng eleksyon. Nangangampanya siya. At alam ng buong barangay namin e nangangampanya siya. At alam ng buong barangay namin na andoon siya at hindi siya umaalis sa bahay namin,&quot; sabi ni Caballero.Nanalo bilang Barangay Kagawad si Nagrampa. Hinanakit ni Caballero na hindi naging patas ang pagresolba ng kaso. &quot;Hindi kami pinadalhan ng resolution na kung saan puwede pa sana naming sagutin pa at ipaliwanag at ilatag kung bakit at talagang pabulaanan ang ganyang akusasyon laban sa asawa ko,&quot; sabi niya. Dagdag ni Caballero, hakbang ng pamahalaan sunod sa anti-terrorism law ang pag-aresto kay Nagrampa.“Alam nating lahat, malinaw na terror attack ito sa mga taong lumalaban para sa karapatan ng mamamayan,&quot; sabi niya. Itinanggi ito ni Fabia ng Nabua Police.&quot;Ang anti-terrorism law ay ngayon lamang po naipasa, nabalangkas. Wala pa pong isang taon. Hindi po natin puwedeng tahasang sabihin na ito ay hakbang ng gobyerno sa anti-terrorism law sapagkat dumaan po sa due process ang kanilang kaso,&quot; paliwanag ni Fabia. Inaresto si Nagrampa habang inaasikaso ang programa ng pamahalaan para sa mga kababayang nawalan ng trabaho dahil sa pandemya.Sa maiksing pahayag, sinabi ni Nagrampa, na tumatayo ring vice chairperson ng Gabriela National, na hindi siya nawawalan ng lakas ng loob.&quot;Handa kaming harapin at kaya po naming labanan. At lalabas din ang katotohanan,&quot; sabi niya. Apat pang umano&#x27;y kasamahan ni Nagrampa ang kabilang sa kaparehong warrant of arrest.Walang piyansang ibinigay ang korte para sana sa kanilang pansamantalang kalayaan.

NABUA, Camarines Sur – Inaresto ng pulisya nitong Martes ang chairperson ng Gabriela Bicol na si Jenelyn Nagrampa sa San Isidro, Poblacion sa bayang ito dahil sa kasong may kaugnayan sa pagpatay.

NABUA, Camarines Sur – Inaresto ng pulisya nitong Martes ang chairperson ng Gabriela Bicol na si Jenelyn Nagrampa sa San Isidro, Poblacion sa bayang ito dahil sa kasong may kaugnayan sa pagpatay.

Gabriela Bicol chairperson, inaresto sa kasong murder | ABS-CBN

Entertainment

News

Metro.Style

Sports

More

News

Gabriela Bicol chairperson, inaresto sa kasong murder

Gabriela Bicol chairperson, inaresto sa kasong murder

Rizza Mostar,

ABS-CBN News

Published Jul 08, 2020 02:14 PM PHT

Read More:

Nabua

Gabriela Bicol Chairperson arrested

Jenelyn Nagrampa

Gabriela Bicol

murder

Regional News

Tagalog News

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

Terms of Service

Advertise with Us

© 2024 ABS-CBN Corporation. All Rights Reserved.

NPC Seal of Registration

Advertise with Us

Privacy Policy

Terms of Service

© 2024 ABS-CBN Corporation. All Rights Reserved.