Watch more in iWantv or TFC.tv

Karaniwang kuwento na ang hirap na dinadanas ng mga taong gustong huminto sa paninigarilyo.

Ayon sa pulmonologist na si Jubert Benedicto, may sangkap kasi ang sigarilyo na nag-uudyok sa isang tao na gumamit nito: ang nicotine.

"Nakaka-activate ito (nicotine) ng pleasure center sa utak natin. kaya kapag nakakahithit ka ng sigarilyo, nag-a-activate," aniya sa "Good Vibes" nitong Huwebes.

"Gusto mo lalo humithit pa. So mapapadami, mapapalalim lalo ang hithit mo ng sigarilyo. At dahil doon mahirap tumakas," dagdag niya.

• Bakit mahirap talikuran ang bisyo?

Ayon pa kay Benedicto, may sosyolohikal na presyur sa paninigarilyo, lalo na kung ang nakakasama ng isang tao ay naninigarilyo rin.

"Andu'n 'yung mga nakakasama mo, during breaks, during meeting lagi silang naninigarilyo... and before you know it naeenganyo ka na sa paninigarilyo," aniya.

May masasamang epekto sa katawan, partikular na sa baga ang paninigarilyo. Pero ayon kay Benedicto, may magagawa pa para talikuran umano ang naturang bisyo.

• PANOORIN: Mga paraan para matigil ang paninigarilyo

Nakakatulong din umano ang hirit na dagdag-buwis sa sigarilyo, na pirma na lang ng Pangulo ang hinihintay.