Nasunog ang isang palapag ng shopping center sa Laoag City Huwebes ng umaga.

Ayon kay Senior Inspector Ronald Castillo na acting fire marshal ng Bureau of Fire Protection (BFP) ng Laoag City, ang ikatlong palapag ay bodega ng shopping center kung saan puno ng mga ibebentang damit, sapatos, electric wires, at iba pang light materials kaya dahil dito ay mabilis sumiklab ang apoy.

Aminado si Castillo na nahirapan sila sa pag-apula ng apoy.

Bukod sa BFP-Laoag, tumulong na rin ang mga bumbero mula sa mga kalapit na bayan. Dalawampung fire truck ang rumesponde sa insidente.

Ayon kay Castillo, umabot sa ikaapat na alarma ang sunog at pitong oras bago ito naideklarang fireout.

Wala namang napinsala sa una at ikalawang palapag at wala ding nasaktan sa insidente.

Patuloy ang imbestigasyon ng mga awtoridad sa sanhi ng sunog at inaalam pa ang halaga ng pinsala nito.

--Ulat ni Grace Alba

KAUGNAY NA BALITA

Watch more in iWantv or TFC.tv