Watch more in iWantv or TFC.tv

May mga pagkakataon na pinagbabawalan nang pumunta sa isang lugar ang isang dayo dahil sa umano'y kawalan nito ng respeto, sa tao man o sa mismong pook.

Sila ang mga tinatawag na "persona non grata," na karaniwang idinedeklara ng gobyerno o ng lokal na pamahalaan.

"Kapag ang isang tao nao-offend niya ang isang tao o lugar, minsan nagkaka-resolution ang isang lugar sa mga nakaka-offend ng culture or norms nila na magdeklara ng persona non grata," ayon kay Atty. Claire Castro sa "Usapang de Campanilla.

Ayon kay Castro, maaaring ideklarang "persona non grata" ang isang dayo o dayuhan na "hindi nagpapakita ng utang na loob."

"Parang ikaw na tinanggap namin nang buong-buo, in-offend mo 'yung feelings namin," ani Castro.

Pero ayon sa abogado, maaaring mabawi ang pagdeklara ng persona non grata status kung hihingi ng paumanhin o makikipag-areglo ang mapapatawan nito.