Watch more in iWantv or TFC.tv

MAYNILA--Isasailalim na rin sa mass testing ang mga pasyenteng dating itinuturing na persons under monitoring para sa COVID-19 sa gitna ng pangambang dumarami ang mga silent carriers ng sakit.

"Kasama ang PUMs sa testing. Not just in Metro Manila, but the entire country," ayon kay Cabinet Secretary Karlo Nograles sa isang virtual briefing.

Unang inialis ang "persons under monitoring" sa klasipikasyon ng DOH ng mga pasyenteng susuriin sa virus.

• ‘Suspect, probable, confirmed’: DOH shifts to new classification for patients screened for COVID-19

Sa halip, tinatawag na lang na suspect, probable o confirmed ang mga nasabing pasyente, na nagbigay umano ng agam-agam ngayong inalis na ang PUM classification.

Sinabi ni Valenzuela City Mayor Rex Gatchalian na 5 sa mga itinuring nilang PUM ang nahawahan umano ng COVID-19.

Sa ilalim ng bagong klasipikasyon, tinatawang na suspect ang pasyente kung may sintomas ito ng COVID-19 pero hindi pa ito nate-test, habang probable naman ang tawag sa mga naghihintay ng reulta.

Confirmed case ang mga pasyenteng nagpositibo sa virus, batay sa resulta ng mga official testing laboratories.

Samantala, uumpisahan na ang expanded mass testing sa Metro Manila, ayon kay COVID-19 response chief implementer Carlito Galvez Jr.

Aabot sa 8,700 suspected cases ang susuriin nila sa isang polymerase chain reaction test, ang itinuturing na gold standard sa pagsuri kontra coronaviurs.

Giit ni Galvez, ang mass testing ay mahalagang paghahanda sakaling gawing selective na lang ang ipinapatupad na enhanced community quarantine sa bansa.

Sa ngayon may 6,087 kaso ng COVID-19 ang Pilipinas; 519 ang gumaling sa sakit habang 10 naman ang nadagdagang patay.

-- May ulat ni Jeff Hernaez, ABS-CBN News