MAYNILA - Tila umulan ng nyebe sa University of the Philippines Los Baños dahil sa pagbagsak ng bulak mula sa puno ng kapok.

Sa video ni Bayan Patroller Jerard Eusebio, makikita ang pagbagsak ng tila bulak na bunga mula sa kapok o punong Ceiba pentandra.

Sikat ang punong ito sa UP Los Banos dahil na rin sa laki nito. Ang pagbagsak ng mala-bulak na buto ng kapok tuwing panahon ng Marso hanggang Abril ay nagsilbi ring simbolo ng pagtatapos noon sa UP Los Banos, bago nagpalit ng academic calendar.

Maliban sa punong kapok na matatagpuan malapit sa Palma bridge, marami ring sikat na puno sa UP Los Banos tulad ng Fertility Tree at Dao tree.