Watch more in iWantv or TFC.tv

Sisimulan na ang paghahakot ng nasa 100 toneladang hazardous medical waste na 3 buwan nang nakatambak sa compound ng Quezon Medical Center sa Lucena City.

Bumili na ang pamunuan ng ospital ng mahigit 80 drums para paglagyan ng mga basura bago hakutin ng mga trak papuntang treatment facility.

Sinimulan nang ilagay sa mga drum ang mga hazardous medical waste na 3 buwan nang nakatambak sa Quezon Medical Center sa Lucena City.
Bumili ang ospital ng higit 80 mga drum.
Inaasahang hahakutin ng mga hauler ang mga basura simula mamayang gabi para dahil sa treatment facility pic.twitter.com/9qvqgoCIWq

— Dennis Datu (@Dennis_Datu) February 3, 2022

• Tambak ng hospital waste sa Quezon Medical Center inimbestigahan ng DENR

Isa-isa nang inilagay sa mga drum ang mga basura nitong Huwebes. Inaasahang sa loob ng 8 araw matatapos ng mga naka-kontratang hauler ang paghahakot ng basura .

• 1,000 metric tons a day: Philippines faces medical waste deluge amid COVID crisis

Nauna nang nagreklamo ang mga residenteng malapit sa ospital dahil sa mabahong amoy na nagmumula sa nakatambak na mga basura.

Ayon sa hepe ng ospital, hahakutin ang mga basura sa mga oras na kakaunti ang tao sa ospital.

Inaasahan din umanong magpapatuloy ang pagsingaw ng mabahong amoy mula sa mga basura habang hinahakot ang mga ito.