MAYNILA - Namahagi ang lokal na pamahalaan ng Maynila ng financial assistance at grocery items sa mga naapektuhang pamilya sa tatlong magkakahiwalay na sunog na nangyari noong isang buwan.

Ginawa ang pamamahagi sa Bulwagang Katipunan sa City Hall kung saan 70 pamilya ang nakatanggap ng tig-P10,000 mula kay Mayor Isko Moreno, at grocery items naman tulad ng bigas at canned goods mula kay Vice Mayor Honey Lacuna.

• 20 pamilya nasunugan sa Baseco Compound

Ang tatlong magkakahiwalay na sunog sa Maynila nitong nakaraang buwan ay naganap sa Sampaloc, Baseco Compound, at sa Sta. Ana.

Ayon sa LGU, ginawa ito para kahit paano ay makapagsimula muli ang mga nasunugan, lalo’t ang ilan sa kanila ay walang naisalbang gamit.

Unti-unti na rin namang bumabangon ang mga naapektuhang pamilya.