Push Admin

'Sindikato' sa DFA, sinisi sa pahirapan sa passport appointment

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/DG1KALHSx8s?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Inuulan ng reklamo ang Department of Foreign Affairs (DFA) dahil sa Marso na ang pinakamaagang passport appointment na makikita sa kanilang website, gayong may ilang travel agencies na &quot;nagbebenta&quot; pa rin ng slots para sa Enero.</p><p>Sa Facebook page ng DFA, sunod-sunod na negatibong review ang natatanggap ng ahensiya.</p><p>&quot;There is no way to book passport renewal from January-March in all your satellite offices in the whole country, Luzon, Visayas, Mindanao? Seriously? Even in Gen San?&quot; ayon sa netizen na si Glynn Manalo.</p><p>Kuwento naman ni Mia Tioseco, araw-araw ay bigo siyang makakuha ng appointment sa DFA pero laking pagtataka niya kung bakit may ilang travel agency na nag-aalok ng kumpirmadong appointment at serbisyo ngayong Enero kapalit ng halagang P4,500.</p><p>&quot;[T]here are &#x27;accredited&#x27; travel agencies that are charging P4,500 for a confirmed appointment and the full passport renewal services...Bravo DFA for allowing your syndicate to sell these slots to agencies,&quot; hinaing ni Tioseco. </p><p>Hinala ni Tioseco, may sindikato pa rin na kumikita sa pahirapang pagkuha ng appointment.</p><p>Ibinihagi naman ni Che Gosim ang usapan nila ng dalawang travel agency tungkol sa presyo ng iniaalok na appointment.</p><p>Aniya, P2,000 ang singil sa kaniya hindi pa kasama ang passport fee.</p><div><strong>Mas malala?</strong></div><p>Ang mga ito ay nangyayari sa kabila ng pagtiyak ng DFA na tinanggal na nila ang ganitong sistema.<br/> <br/>&quot;Do not patronize those so-called travel agencies kasi tinanggal na ang facilities na they had before, inalis na. So they have no more facility to lodge applications...binigay natin sa mga OFWs,&quot; ani DFA Assistant Secretary Frank Cimafranca.</p><p>Giit niya, hanggang 12,000 libong passport lang ang kayang iproseso ng DFA bawat araw kumpara sa 12,000-15,000 passport application.</p><p>&quot;Sa ngayon kasi the demand is so huge, we can hardly cope...that&#x27;s why we are trying to address this by trying to increase our capacity,&quot; ani Cimafranca.</p><p>Gayumpaman, sinabi ng opisyal na hindi na kailangang magpa-appointment ng senior citizens, persons with disability, at overseas Filipino workers upang makakuha ng passport.</p><ul class="op-related-articles">	<li><a href="http://news.abs-cbn.com/overseas/01/10/18/ofws-pwds-senior-citizens-di-kailangang-pumila-sa-pagkuha-ng-passport">OFWs, PWDs, senior citizens, di kailangang pumila sa pagkuha ng passport</a></li></ul><div><strong>--Ulat ni Willard Cheng, ABS-CBN News</strong><br/> </div>

<p>Sa Facebook page ng DFA, sunod-sunod na negatibong review ang natatanggap ng ahensiya dahil sa Marso na ang pinakamaagang passport appointment na makikita sa kanilang website.</p>

Sa Facebook page ng DFA, sunod-sunod na negatibong review ang natatanggap ng ahensiya dahil sa Marso na ang pinakamaagang passport appointment na makikita sa kanilang website.