MAYNILA — Sa isang subdivision sa Las Piñas City, mga beauty queen ang “magtuturo” sa iyo sa mga bahay at destinasyon. 

Sa loob ng BF Resort Village, makikita ang 42 kalsadang ipinangalan sa mga Filipina beauty queen kabilang sina Miss Universe Gloria Diaz at Margie Moran, at sina Miss International Gemma Cruz at Melanie Marquez. 

Nagmula ang ideyang ito sa negosyanteng si Tomas B. Aguirre na nagtatag ng Banco Filipino at BF Homes Inc. noong dekada sisenta. 

Hindi maikakaila ang pagkahilig ng mga Pilipino sa beauty pageants at mga beauty queen na nagbibigay-dangal din sa bansa sa pandaigdigang entablado. 

Gayunpaman, hindi basta-basta ang pagpapangalan ng kalsada sa mga personalidad. 

Pwedeng magmungkahi ang isang developer pero ang pamahalaang lungsod o bayan lamang ang maga-apruba nito. Mayroon ding panuntunan ang National Historical Commission of the Philippines sa pagpapalit-pangalan sa mga kalsada. 

– Ulat ni Ganiel Krishnan, Patrol ng Pilipino

Video produced by Tania Garcia

Manalo gets back up after fall, takes new MUPH title

Gloria Diaz happy with her love life at 74: ‘He’s younger than me'

The 4 Miss Universe PH Winners And Their Coronation Looks