MAYNILA— Isa sa mga terminong pumatok ngayong taon ang "Sobrang Latina," ekspresyon para purihin ang isang taong maganda o may striking na features.

Ayon sa content creator na si Sesable na nakilala dahil dito, inspired ang slang sa Latina makeup style na may matapang at defined na features. 

Pero higit pa sa makeup, sumasalamin din ito sa confidence at pagiging fierce ng isang tao.

Sumikat din ang katagang "monyeka" o “Grabe ang pagka-monyeka”, na galing sa manyika o doll. Ginagamit din ito para ipahayag ang paghanga sa taong tila perpektong manyika sa kanyang hitsura.

Maganda man ang pagkabuhay ng wikang Filipino dahil sa mga pumapatok na slang, may paalala ang linguistics expert na si Dr. Lakandupil Garcia sa paggamit nito.

Posible kasi aniyang maging ugat ng diskriminasyon batay sa itsura ang ganitong mga salita kahit inosente naman o positibo ang intensyon nito. 

Kaya sabi ng eksperto maging maingat sa pagsabay sa mga trend at kilalanin din mabuti ang wikang gamit.

– Ulat ni Ganiel Krishnan, Patrol ng Pilipino

Video produced by Saria Gamueda & Ren Benedicto

'Sobrang latina!': Content creator Sesable shares origin of her viral catchphrase

2024-coded: ‘Brat’ slang words na pumatok online alamin

Bahagi na nga ba ng Wikang Filipino ang mga salitang Gen Z?

Ilang salita, parirala sa ‘Philippine English’, alamin