Mga nakiisa sa Alay Lakad 2025 sa Antipolo iba-iba ang dasal

MAYNILA —Hindi lang mga paa ang naglakad, kundi mga panata at pangarap ang sumama sa bawat paghakbang. 

Sa kabila ng pagod, init, at puyat, nanatiling buhay ang espiritu ng Alay Lakad para sa mga nakiisa ngayong Semana Santa 2025. 

Dumagsa ang milyon-milyong tao sa Antipolo Cathedral, Rizal mula sa iba-ibang panig ng kalakhang Maynila – karamihan magkakapamilya o magkakaibigan.

Para sa ilan, pasasalamat ito ng pagtupad ng mga dati na nilang panalangin at kahilingan sa Diyos. Hangad ng iba ang mabuting kalusugan, tugon sa kanilang mga problema at pinapasan sa buhay, at patuloy na gabay sa kanila.

May ilan naman na gusto lang maranasan ang nadinig nilang panata ng iba.

Ngayong taon, bumaba sa higit 5.1 milyon ang tinatayang nakilakad, kumpara sa 7 milyon noong 2024. Ayon sa pulisya, maaaring sanhi nito ang matinding init ng panahon ngayon.  

– Ulat ni Christopher Sitson, Patrol ng Pilipino

Video edited by Christopher Sitson; produced with Daniel Jacob & Elijah Gallero

Over five million devotees walk to Antipolo Cathedral for Alay Lakad 2025

Rizal police: 'Alay Lakad 2025' may see over 7 million participants

Bakit must-visit na simbahan ang Antipolo Cathedral?

Bakit mahalaga ang ‘Golden Rose’ na regalo ng Santo Papa sa Antipolo Cathedral?