MAYNILA — Isa sa mga tradisyong kinagisnan ng mga Katoliko tuwing panahon ng Kuwaresma ang Pabasa ng Pasyon, na inilalahad ang istorya ni Hesukristo mula sa Kaniyang buhay, pagkamatay, at muling pagkabuhay.

Nagsimulang isabuhay ang tradisyong ito noong ika-16 hanggang ika-17 siglo, sa tulong ng mga misyonerong Kastila. Mula sa wikang Kastila, kinalaunan isinalin ito sa Tagalog sa tulong ni Gaspar Aquino de Belen noong 1704 at pinamagatang “Pasyong Mahal.”

“Ito pong Pabasa o Pasyon ay isang paraan po natin upang muling ipaalala sa bawat miyembro ng pamilya at ng pamayanan ang ginawa ng ating Panginoon,” ani Fr. Ramon Jade Licuanan, rector at parish priest ng Minor Basilica and National Shrine of Jesus Nazareno.

Para naman sa mga deboto sa Quiapo Church na nagtutulungang panatilihing buhay ang Pabasa, nakatutulong ang paawit na paglalahad nito para mas maisapuso ng mananampalataya ang mensahe ng kaligtasan.

– Ulat ni Jessie Cruzat, Patrol ng Pilipino

Video produced with Chim Cantos

5 Values to Learn From Filipino Holy Week Traditions

Filipino Catholics mark the beginning of Holy Week

Keeping the faith by keeping centuries-old tradition of 'pabasa'

'Pabasa' inside the Manila City Jail

TV PATROL: 10-anyos na bata hinangaan sa kanyang debosyon sa pagbasa ng pasyon