MAYNILA — Tahimik pero makabuluhan ang penitential walk ng mga deboto mula sa St. Joseph Shrine sa Aurora Boulevard, Quezon City patungo sa Real Monasterio de Santa Clara de Manila sa Katipunan Avenue nitong Kuwaresma.

Inasahang tatagal lang ng 35 minuto, pero umabot ito nang halos tatlong oras dahil sa paghinto sa bawat 14 na istasyon ng krus.

Tourism dept expects 30 million tourists during Holy Week

Sa bawat hinintuan, taimtim na nanalangin ang mga lumalahok, na nagtulong-tulong ding pasanin ang isang malaking krus.

Hindi lang paggunita sa hirap at sakripisyo ni Hesus ang penitential walk, kundi pagninilay din sa mga suliraning kinakaharap ng bansa ngayon. 

Ayon kay Fr. Angel Cortez, OFM, co-executive secretary ng Conference of Major Superiors in the Philippines, panata rin ito para sa kalikasan, mga biktima ng extrajudicial killings, at iba pang isyung panlipunan.

IN PHOTOS: Catholic faithful join Confessio Peccati and Penitential Walk

Sa kabila ng mainit na panahon, nagpatuloy ang mga deboto at narating ang monasteryo bandang alas-7 ng gabi. 

Tagaktak man ang pawis, dala nila ang pananampalataya at panalangin para sa bayan.

– Ulat ni Izzy Lee, Patrol ng Pilipino

Video edited by Izzy Lee; post-production by Roberto Miguel Yabut

Where did the tradition of Visita Iglesia come from?
Paano ginugunita ng mga Katoliko ang Lent o Kuwaresma?