MAYNILA — Nagbigay kanlungan sa mga nangangailangan -- mula sa mga magsasaka noong panahon ng mga Kastila hanggang sa mga nakipaglaban sa pulitika noong Martial Law -- ang Bahay na Tisa sa Pasig City.

Pinangangalagaan na ito ng ikapitong henerasyon ng pamilya Tech na siyang nagtayo rin nito noon pang 1846.

Isa ito sa mahigit 1,800 historical marked sites sa buong bansa na kinilala para sa papel nila sa kasaysayan ng Pilipinas.

Inatasan ng batas ang National Historical Commission of the Philippines na pangalagaan ang mga ito.

Kabilang sa mga lumang gusali na katulad ng Bahay na Tisa ang Bahay Nakpil na tinirhan ng ilang bayani ng rebolusyon, at ang pinag-imprentahan ng diyaryong Ang Kalayaan, kapwa nasa Maynila.

Gamit naman ang mga heritage walk at tour, sinisikap ng mga grupo gaya ng Renacimiento Manila na mapalaganap ang kwento ng mga makasaysayang lugar na ito at maipamana sila sa susunod na henerasyon.

– Ulat ni Doris Bigornia, Patrol ng Pilipino
 

Kumusta ang mga historical marker sa iyong lugar?

ALAMIN: Kontribusyon ni Andres Bonifacio sa kasaysayan

Ano ang kahulugan ng mga kulay at sagisag sa bandila?

Patrol ng Pilipino: May isa pang ‘Araw ng Kalayaan’?

Pagdiriwang ng ika-126 Independence Day umarangkada na