Watch more in iWantv or TFC.tv

Gusto mo bang magluto ng kakaibang bersiyon ng ginataan na masustansiya na at magaan pa sa bulsa?

Maaari mong subukang maghain ng ginataang labong, o bamboo shoots.

Bumisita sa "Umagang Kay Ganda" nitong Martes ang guest kusinera na si Arleen De Leon para ibahagi kung paano magluto ng ginataang labong.

Narito ang mga sangkap:

• 1 luya
• 2 sibuyas
• Bawang
• 2 tasa ng labong
• 3 tasa ng gata
• 1/4 kilo hipon
• Asin
• Paminta (durog)
• 2 piraso ng siling pansigang
• 1 kutsara ng patis

Paghahanda ng labong

Hugasan ang labong nang 3 beses.

Pakuluan ito hanggang sa lumambot

I-drain at pigain ang labong para matanggal ang pait nito.

Paraan ng pagluluto:

Igisa ang luya, bawang at sibuyas.

Pagkatapos ay saka ilagay ang gata.

Ilagay na sunod ang labong.

Lagyan ng isang kutsarang patis, asin at pamintang durog.

Lagyan ng 2 siling pansigang.

Haluin saka ilagay ang hipon sa ibabaw.

Takpan at pakuluan nang limang minuto.

Maaari nang ihain ang ginataang labong.