MANILA - Sabay sa pag-anunsiyo ng Miss Universe ng mga bagong kandidata mula sa iba't ibang bansa, ipinakita ni dating Ilocos Sur governor Chavit Singson at ng Department of Tourism ang mga gagamiting sasakyan ng delegates para sa pag-ikot nila sa Pilipinas simula December 30, 2016.

May mahigit dalawang dosenang Miss Universe party buses na may signage na "Confidently Beautiful." Handa na rin ang 148-seater airplane na maghahatid sa contestants mula Ilocos hanggang Davao.

Ang pinaka-showcase ay ang tatlong palapag na luxury yacht na papangalanang Miss Universe. Kumpleto ito sa bedroom, dining, swimming, disco, sala at kitchen facilities para sa mahigit isang daang tao.

Ibinunyag na rin ni Singson ang kanyang partners, pati ang listahan ng hotels kung saan titira ang mga contestants, at venue ng Miss Universe pre-pageant activities:

- Okada Manila
- Conrad Hotel
- Solaire
- City of Dreams
- Resorts World

Sa kabila ng mga batikos na magastos ito, full support ang international at local beauty queens sa pagdaraos ng Miss Universe sa bansa.

Mahigit nobentang beauties ang makakalaban ni Binibining Pilipinas Maxine Medina sa pageant.