Hindi maikakailang mahilig sa pagkain ang mga Pinoy, bagay na sadyang bahagi na ng kultura nito.

At dahil may mga idineklara nang pambansang sagisag gaya ng bulaklak, puno, at ibon, dapat na rin nga bang magkaroon ng pambansang ulam?

Dahil sa tanong na ito, kanya-kanyang bida naman ang mga netizen kung ano sa palagay nila ang dapat manguna sa mga patok na ulam sa hapag-kainan ng mga Pinoy.

Nanguna pa rin sa mga inihirit ng mga netizen ang adobo, mapa-adobong baboy, sitaw o kangkong.

Hindi rin nagpatalo ang mga tagasuporta ng sinigang.

Ibinandera rin ng netizen ang mga patok na ulam mula sa iba't ibang rehiyon ng bansa.

May ilan namang nagsabing dahil sa hirap ngayon ng buhay, ay mga murang pagkain gaya ng tuyo ang dapat maging pambansang ulam.

Siyempre pa, hindi rin mawawala ang kanya-kanyang hugot ng mga Pinoy kakabit ng kani-kanilang paboritong ulam.

Basahin dito ang iba pang mga nakaaaliw na suhestyon ng mga netizen.

Ikaw Kapamilya, ano'ng pambato mo para maging pambansang ulam?