BRUGG - Katakamtakam na mga pagkaing Pinoy tulad ng lumpia, adobo, pancit, sisig, kare-kare at crispy pata, ‘yan ang ilang mga alok na pagkain ng karinderya style restaurant ni Oro Guevarra.

Pinoy nurse turned businessman si Guevara. Naniniwala kasi siyang panahon na para makilala ng mga Swiss ang pagkaing Pinoy kaya niya sinimulan ang kanyang restaurant kasama ng kanyang pamilya.

Sa Europe, mas kilala raw kasi ang Chinese, Japanese, Thai, Korean at Vietnamese cuisine kapag Asian food na ang pinag-uusapan.

Sa kanyang restaurant, mapapansin din agad ang exotic Pinoy interior, mula sa mesa, upuan, at light fixtures. Bagay na magbibigay sa sinumang Pilipino ng impresyong parang nasa Maynila ka lang.

Ayon kay Guevarra, passion niya talaga ang pagluluto, bagay na nagpatibay sa kanya ng loob na pumasok sa pagnenegosyo. Binabalikan ang kanilang masasarap na pagkain hindi lang ng mga kababayan natin sa Switzerland kundi maging ng mga Swiss at ibang pang mga turista.

Para sa mga nagbabagang mga balita tungkol sa ating mga kababayan sa Switzerland, tumutok sa TFC News sa TV Patrol.

PANOORIN ANG BUONG REPORT:

Watch more News on iWantTFC